Д-р Мирјана Пехчевска Поп-Илиева е експерт за организациски и деловен развој, организациска трансформација, развој на човечки капитал и лидерство, со повеќе од 20 години професионално искуство како извршен менаџер, консултант и обучувач во земјите од Западен Балкан.
Во текот на својата кариера успешно соработувала со владини институции, меѓународни организации, развојни агенции, здравствени установи, универзитети и компании од приватниот сектор, обезбедувајќи стратешка поддршка во областите на организациски развој, деловна трансформација, институционално зајакнување, развој на човечки капитал, подобрување на деловната и инвестициската клима и развој на лидерство.
Нејзината експертиза опфаќа развој и имплементација на стратегии за организациски развој, стратешко и деловно планирање, организациска трансформација, управување со промени, развој на институционални и организациски капацитети, развој на човечки ресурси, управување со таленти, извршен коучинг, корпоративно управување и развој на конкурентноста на организациите.
Како директор на Универзитетската клиника за инфективни болести и фебрилни состојби, успешно раководеше со комплексна здравствена институција и тим од повеќе од 200 вработени, водејќи процеси на организациска отпорност, кризни менаџмент политики, дигитална трансформација, управување со ризици и стратешко позиционирање на институцијата.
Во својата консултантска кариера работела на бројни проекти финансирани од Европската Унија, USAID, Sida, WHO, UNDP, East West Management Institute, Global Fund и други меѓународни партнери. Во различни улоги – проектен и програмски менаџер, експерт за организациски развој, експерт за јакнење на капацитети, HR експерт и обучувач – успешно реализирала проекти за организациска трансформација, развој на институции, зајакнување на приватниот сектор, развој на работната сила и подобрување на деловното опкружување.
Во својата професионална работа има изработено бројни стратегии, анализи, истражувања и политики во областа на организацискиот развој и управувањето со човечки ресурси. Исто така, има дизајнирано и реализирано голем број програми за обука, лидерски академии, менторски програми и коучинг процеси насочени кон развој на лидери, менаџери и организации.
Доктор е по економски науки од областа на организацискиот развој и магистер по менаџмент на човечки ресурси на Универзитетот „Св. Кирил и Методиј“ во Скопје.
Поседува повеќе меѓународно признати професионални сертификати, меѓу кои:
- Professional Executive Coach (Erickson Coaching International), акредитиран според стандардите на International Coaching Federation (ICF);
- Certified ADIZES Practitioner;
- Certified Strength Deployment Inventory (SDI) Facilitator;
- Global Career Development Facilitator (GCDF) Trainer;
- Сертифициран обучувач за образование на возрасни, лиценциран од Министерството за образование и наука.
Покрај консултантската работа, активно работи како универзитетски предавач, извршен коуч, ментор и обучувач, поддржувајќи организации и лидери во процесите на организациски развој, лидерска трансформација и стратешко управување.
Д-р Пехчевска Поп-Илиева е основач и член на Управниот одбор на Асоцијацијата на советници за развој на кариера (АСК).
Во 2014 година ја основа Фондацијата STEM Academy – Фондација за промоција на иновативно учење, едукација и личен развој. Како нејзин прв извршен директор постави темели за развој на современи образовни програми засновани на иновации, нови технологии и развој на вештини потребни за 21 век. Денес ја извршува функцијата почесен претседател на фондацијата.
Нејзината професионална мисија е да им помогне на организациите, институциите и компаниите да изградат одржливи, конкурентни и отпорни системи преку стратешко лидерство, организациски развој, инвестиции во човечки капитал и создавање деловна средина што поттикнува раст, иновации и долгорочен успех.